News

France: Under the financial support of Erasmus+, the Faculty of Civil Engineering at ITC can send many students this year […]

ភ្នំពេញ៖ នាថ្ងៃទី ២៣ ខែ ឧសភា ឆ្នាំ ២០២៥ និស្សិតឆ្នាំទី៣ នៃមហាវិទ្យាល័យសំណង់ (សាខាភ្នំពេញ និងត្បូងឃ្មុំ) ចំនួន៩០នាក់ ដែលដឹកនាំដោយព្រឹទ្ធបុរសរង និង អ្នកគ្រូពីររូប បានធ្វើទស្សនកិច្ចសិក្សានៅរោងចក្រផលិតក្បឿង ជីប ម៉ុង និងទុយោ ជីប ម៉ុង

ភ្នំពេញ៖ នាថ្ងៃចន្ទ ទី ៧ ខែមេសា ឆ្នាំ២០២៥ និស្សិតឆ្នាំទី៣ នៃដេប៉ាតឺម៉ង់ទេពកោសល្យស្ថាបត្យកម្មចំនួន ៣០នាក់ដែលដឹកនាំដោយលោកគ្រូពីររូប បានធ្វើទស្សនកិច្ចសិក្សាលើស្ថាបត្យកម្មគម្រោងផ្ទះវីឡាកូនកាត់របស់ក្រុមហ៊ុនខាមប៊ូចាយ៉ា (Kambujaya Residences) ដែលស្ថិតក្នុងសង្កាត់វាលស្បូវ ខណ្ឌច្បារអំពៅ រាជធានីភ្នំពេញ។ ទស្សនកិច្ចសិក្សានេះគឺធ្វើឡើងនៅក្នុងមុខវិជ្ជារោងជាងស្ថាបត្យកម្ម ក្នុងឆមាសទី២នៃឆ្នាំទី៣ ដែលសិក្សាលើគម្រោង ផ្ទះអាជីវកម្ម និងផ្ទះវីឡាទំនើប។

យោងតាមកិច្ចសហប្រតិបត្តិការវាងវិទ្យាស្ថានបច្ចេកវិទ្យាកម្ពុជា និង ក្រុមហ៊ុនជប៉ុន TEKOMA ENERGY, Inc. និស្សិត ច័ន្ទ បូរីវណ្ណ និស្សិតឆ្នាំទី៥ នៃដេប៉ាតឺម៉ង់ទេពកោសល្យសំណង់ស៊ីវិលត្រូវបានជ្រើសរើសជាកម្មសិក្សាការីនៅក្រុមហ៊ុន TEKOMA ENERGY, Inc. នាទីក្រុងតូក្យូនៃប្រទេសជប៉ុន។ កម្មសិក្សាដែលមានរយៈពេល៥ខែ ចាប់ពីខែមេសារហូតដល់ខែកញ្ញា ឆ្នាំ២០២៥ នេះនឹងផ្តល់ឱ្យនិស្សិតនូវបទពិសោធន៍នៅការដ្ឋានសាងសង់​នៅប្រទេសជប៉ុន ជំរុញឱ្យនិស្សិតអភិវឌ្ឍនូវចំណេះជំនាញរបស់ខ្លួន

កំពត៖ នាថ្ងៃទី ២ ខែមេសា ឆ្នាំ២០២៥ លោកលី ហាវ ព្រឹទ្ធបុរសរងមហាវិទ្យាល័យសំណង់នៃវិទ្យាស្ថានបច្ចេកវិទ្យាកម្ពុជា បានដឹកនាំនិស្សិតឆ្នាំទី៤ និងលោកគ្រូអ្នកគ្រូនៃដេប៉ាតឺម៉ង់ទេពកោសល្យសំណង់ស៊ីវិល ធ្វើទស្សនកិច្ចសិក្សានៅរោងចក្រផលិតផលស៊ីម៉ងត៍របស់ ក្រុមហ៊ុន ជីប ម៉ុង អ៊ិនស៊ី ស៊ីមេន ខបភើរេសិន។ តាមរយៈទស្សនកិច្ចសិក្សានេះ និស្សិតបានសិក្សាស្វែងយល់អំពីខ្សែសង្វាក់ផលិតកម្មនៃការផលិតស៊ីម៉ងត៍ ទស្សនកិច្ចនៅមន្ទីរពិសោធន៍ស៊ីម៉ងត៍និងបន្ទប់ប្រតិបត្តិការ

យោងតាមអនុស្សរណៈយោគយល់ រវាងវិទ្យាស្ថានបច្ចេកវិទ្យាកម្ពុជា និង ក្រុមហ៊ុនជប៉ុន សាតូកូគ្យូ នាខែកក្កដា ឆ្នាំ២០២៤ ស្ដីពីការសហការណ៍ក្នុងវិស័យការស្រាវជ្រាវ ការអភិវឌ្ឍនិងការធ្វើកម្មសិក្សានៅប្រទេសជប៉ុន សម្រាប់និស្សិតនៃមហាវិទ្យាល័យសំណង់ និស្សិតចំនួន៤រូបដំបូងបានក្លាយជាកម្មសិក្សាការីនៅក្រុមហ៊ុនសាតូកូគ្យូ និងធ្វើកម្មសិក្សានៅតាមការដ្ឋាននានានៅប្រទេសជប៉ុនរយៈពេល៣ខែ ក្នុងអំឡុងពេលឆមាសទី២ឆ្នាំទី៥ នៃឆ្នាំសិក្សា២០២៤-២០២៥ នេះ។ មហាវិទ្យាល័យសំណង់សូមចូលរួមអបអរសាទរដល់និស្សិតទាំង៤រូប៖

Dr. HAN Virak, dean of the Faculty of Civil Engineering and Dr. OENG Thaileng, lecturer in charge of scholarship and

វបក-ភ្នំពេញ៖ នាថ្ងៃចន្ទទី១៦ ខែធ្នូ ឆ្នាំ២០២៤ វិទ្យាស្ថានបច្ចេកវិទ្យាកម្ពុជាបានរៀបចំការប្រជុំបើកបវេសនកាល និងតម្រង់ទិសសម្រាប់និស្សិតឆ្នាំទី១ថ្នាក់វិស្វករ និងថ្នាក់បរិញ្ញាបត្ររងវិស្វកម្ម ឆ្នាំសិក្សា ២០២៤-២០២៥។ បន្ទាប់ពីបញ្ចប់ការប្រជុំតម្រង់ទិស និស្សិតបានធ្វើទស្សនកិច្ចនៅតាមមន្ទីរពិសោធន៍នានារបស់វិទ្យាស្ថាន។ ទន្ទឹមគ្នានោះដែរ មហាវិទ្យាល័យសំណង់ក៏បានរៀបចំមន្ទីរពិសោធន៍របស់ដេប៉ាតឺម៉ង់ទាំង៣ រួមមានដេប៉ាតឺម៉ង់ទេពកោសល្យសំណង់ស៊ីវិល ដេប៉ាតឺម៉ង់ទេពកោសល្យស្ថាបត្យកម្ម និងដេប៉ាតឺម៉ង់ទេពកោសល្យហេដ្ឋារចនាសម្ព័ន្ធ និង ដឹកជញ្ជូន ដើម្បីទទួលស្វាគមន៍ និងពន្យល់ណែនាំពីឧបករណ៍ពិសោធន៍នានា  ដល់និស្សិតដែលបានមកទស្សនកិច្ចនៅតាមមន្ទីរពិសោធន៍របស់មហាវិទ្យាល័យ។

មហាវិទ្យាល័យសំណង់ នៃវិទ្យាស្ថានបច្ចេកវិទ្យាកម្ពុជា មានមោទនភាពចូលរួមអបអរសាទរដល់ប្អូនប្រុស លុន សុខារ៉ាបុត្រ និស្សិតឆ្នាំទី៤នៃមហាវិទ្យាល័យសំណង់ដែល បានទទួលពានរង្វាន់ ហុងដា HONDA Y-E-S Award សម្រាប់ឆ្នាំ២០២៤។